Першы сінгл з запланаванага альбома "Дэкадны", прысвечанага любімаму Мінску.
lyrics
[Зваротка 1]
Ёсць ветразь. Але вады не мае,
Прэ танкавая зграя па зямлі, бо яна сухая.
І хтосьці вырашае, што ён пакідае след,
А хтосьці ў роспачы прыгадвае лета.
Радыётэхніка пільнуе мае хвалі,
Бадзяюся па свеце, самотны быццам Wall-e.
Пабудавалі Беларусь, там, дзе была старая,
Ёсць там месца для мяне бадай, але не ў гэтай зале,
І нават на базары вырашае рынак,
Не ўздымешся высока на курыных крылах.
Журботны вынік — здымаю галаўны ўбор,
Калі ты супраць плыні твая кроў для іх — кагор.
Бо ў натоўпа так прынята, дабрыня тут
Для ласкавага цяляці, на астатніх — толькі матам.
Мой ультыматум — са мною нельга так,
Я самастойная адзінка, не сагнутая як фак.
Час мае смак, і мой фальварак не салодкі,
Па асфальце мёртвым лісцем граюць леташнія ўлёткі,
І ходзяць плёткі, як цені ўсіх адмоўных з'яваў,
Ваду на гэты млын чырвоны падлівае д'ябал.
Час быць героем, штадзённым супермэнам,
I не хавацца у трум ад навальнiцы i ад ветру зменау.
Калiсьцi гэта быу тупiк, а зараз доўгi шлях
Выклік з'яўляецца ў вачах, у якіх раней быў жах.
[Рэфрэн]
Ніхто не ў стане даць параду, як нам быць,
І часам не пасуе наша тэхніка да быту.
Калі ёсць выбар быць забітым ці забіць
Мы думаем не так, як калі марым пра прыбытак
Усё будзе добра — хацелася б верыць,
Усё будзе дрэнна — адкуль жа мне ведаць,
Вера, Надзея і Каханне — тры старых жаўнеры
Заночаць там, дзе адчыненыя дзверы
[Зваротка 2]
Праўду схавалі за шпалернымі стыкамі,
Але з малога нараджаецца вялікае,
Калi дом мод заўжды чытаць наадварот
Не зменiцца нiчога, гэта генетычны код балота.
Хай у галаве маёй не мае караля,
Я адмаўляюся вучыць дурную п'есу па ралях.
Па паралелях праходзяць лiнii падзелу,
Званяць куранты, падтаквае Division Bell.
А што, калi вытокi палягаюць у нас,
Вы толькi паглядзiце, колькi мы губляем часу
На тое, каб лiчыцца трошкi лепшымi, чым ёсць,
Кабеце ў дзень народзiнаў не кажуць аб узросце.
У гэтага ёсць назва ў медыцынскiх кнiгах,
Шукаю генiя сярод запойнiкаў i псiхаў.
Бо у iхнiх бзiках сэнсу больш, чым у агульнай норме,
Iнакш навошта маюць зброю людзi ў форме?
I калi пiпл сёння схавае чужога,
Магчыма, што назаўтра пакаштуе i сябе самога.
Хто лiчыць дапамогу пэўным сорамам,
Таго не ўратуеш ад яго галоўных ворагаў,
Дастаўшы корак, ён схаваецца у бутэльку,
Хай сочаць без яго за тым, што там iдзе па тэлеку.
Патэльня, кухня, салёная вада,
Над ёй адвечны ветразь, за ёю слабада.
credits
released January 1, 2021
Біт і клавішы: Deniorgus
Бас і акустычная гітара: Ihar Anisimau
Электрагітара: JJ.OK
Тэкст: Zeman
Запіс і сцягванне: Макс Eiton на Vibe Music Space